O partido arrincaba frenético con ambos os conxuntos tratando de golpear primeiro, e con opcións na creación de xogo para os dous equipos, aínda que o CD Lugo impoñía o seu ritmo e orde no desenvolvemento desde os primeiros minutos.
Serían os de Luís César os que ían estrear o marcador cun gran gol de Joselu, que se reencontraba así coa meta contraria. Primeiro gol e mellores sensacións para o bando local. Con todo, non ía durar moito a alegría para os locais, que vían como o CD Tenerife reaccionaba case de inmediato ao primeiro movemento. Penalti na área local sobre Suso, que o propio dianteiro se encargaba de transformar no tanto da igualada.
A partir de aí, o partido derivaba nunha batalla de velocidade e opcións para ambos os conxuntos, con protagonismo para os homes de ataque e chegaba ao final da primeira parte con empate no marcador.
A segunda parte arrincaba cun CD Lugo creativo e de proposta constante, e un CD Tenerife combativo e veloz na procura das costas da zaga rival a través dos seus homes máis veloces. De novo Dani Hernández marcaba a diferenza, primeiro, nunha gran saída que abortaba a chegada de Campillo ao remate, e tras isto, nun paradón a disparo de Pita desde a frontal, que o porteiro sacaba a córner.
O Lugo dominaba, gozaba das mellores ocasións, pero non lograba cristalizar en gol as oportunidades das que gozaba. A banda dereita convertíase nun problema para a zaga insular, pero a pesar da combinación de ataques e o bo momento dos locais, ía ser o CD Tenerife o que conseguía golpear de novo con contundencia, cun gol que poñía costa arriba o partido para os de Luís César. O tanto obrigaba a un cambio na formulación, e o técnico albivermello introducía a Caballero en lugar de Pedraza para sumar centímetros e potencia á punta do ataque. Poucos minutos despois, eran Perea e Yelko quen facía acto de presenza, en busca dun gol que reducise distancias.
A pesar de todo, hoxe non era o día do CD Lugo. Á dez minutos para o final, e tras unha nova caída de Caballero na área que o colexiado non considerou punible, unha contra de Suso, con disparo rexeitado incluído, era aproveitada por Aarón para perforar por terceira e última vez a meta de José Juan. Un tanto co que se pechaba un partido complicado para os lucenses, e que obriga a pensar desde xa, no duelo fronte ao UCAM da próxima semana
