A Asociación Lugo Monumental e o Círculo das Artes colaboran para ofrecer un ano máis o tradicional concerto de Nadal da soprano Noemi Mazoy. A actuación terá lugar o próximo martes día 22 ás 20:30 h. no salón Rexio do Círculo das Artes pero a entrada será de balde xa que a Sociedade cedeu o espazo para esta ocasión.
A soprano lucense, con acompañamento de piano e acordeón, interpretará un variado repertorio de música de temática de Nadal, incluíndo arias, panxoliñas e cancións populares cun estilo que “xa é familiar a moitísimos lucenses, que cada vez en maior número demandan o concerto da popular intérprete”, tal e como explican dende Lugo Monumental.
Cabe lembrar que Noemi Mazoy leva moitos anos ofrecendo un concerto de Nadal e, tal e como lembran dende a asociación, “dende que Lugo Monumental recuperou a súa actividade, a asociación colabora con ela coa produción”.
