Os populares rexistraron unha iniciativa plenaria para o seu debate na sesión do vindeiro martes a través da que demandan que o futuro Goberno do Estado respecte estas institucións para que exerzan como un ente supramunicipal que axude aos concellos, salvagardando o principio de autonomía local.
A voceira do Grupo Provincial do PP Elena Candia, esgrime que “o presente inmediato das deputacións non pasa pola súa eliminación, senón por acadar as reformas precisas co obxecto de dotarse dunhas administracións modernas e eficaces ao servizo dos cidadáns”.
