O Grupo Municipal Socialista pedirá no vindeiro pleno a aprobación do regulamento de participación vecinal que nesta proposta recóllese a participación das veciñas e veciños nas sesións plenarias, o dereito de todas as persoas a recibir información das actividades e servizos municipais, a facer peticións ou suxestións ao goberno municipal, ao fomento das asociacións por parte do concello, ó acceso ás tecnoloxías da información e da comunicación ou mesmo á consulta popular ou referendo.
“Pedimos que a participación veciñal se regule coa máxima celeridade, logo de lles presentar hai catro meses unha proposta completa sobre os mecanismos e ferramentas que consideramos prioritarios para garantir e fomentar a implicación da veciñanza nos asuntos públicos”, comentou a voceira dos socialistas, Elba Veleiro.
Ante a ausencia de calquera outra proposición, o PSOE vilalbés pide a aprobación dun regulamento “que configura a antesala da participación efectiva da veciñanza, posto que calquera persoa tería a posibilidade de intervir nos plenos, presentar proxectos e iniciativas, e incluso exercer o seu dereito ao voto no caso de convocarse unha consulta popular”, afirman.
En último termo, a democracia deliberativa preséntaselles aos socialistas de Vilalba como “un obxectivo a acadar tamén e principalmente polas entidades locais, especialmente neste municipio onde a opacidade anula a transparencia e o clientelismo eclipsa a participación”, criticou Veleiro.
Emerxencias sanitarias
Outra das cuestións que presentaran ao pleno, en forma de rogo, será a petición expresa por parte dos socialistas de que se delimite e reserve un espazo no aparcadoiro ubicado ao carón do Centro de Saúde de Vilalba, coas condicións e superficie necesarias para a aterrizaxe dun helicóptero de atención ás emerxencias sanitarias.
Pxom
O Grupo Municipal Socialista tamén preguntará ao equipo de gobernó, no que atinxe ao Plan Xeral de Ordenación Municipal, “a cantas administracións sectoriais lles foi remitido dito Plan, e cal foi a súa resposta”.
Por outra banda, tamén solicitarán información o traballo xa feito no caso de que o concello non aprobe incialmente o PXOM no prazo estipulado pola recente Lei do Solo. Nesta liña, “preguntaremos ao Sr. Alcalde cando ten previsto proceder á aprobación incial do PXOM”, Rematou.
