Un operario tivo que recibir esta mañá atención sanitaria urxente tras sufrir un accidente laboral no lugar de San Clodio, no concello de Ribas de Sil. O sinistro tivo lugar contra as 11 e media cando o traballador caeu ao chan dende un andamio situado a unha altura aproximada de tres metros.
O servizo de emerxencias 112 desprazou a un equipo médico a bordo dunha aeronave con base en Ourense para asistir ao ferido. O traballador foi trasladado ao hospital en helicóptero.
