A parroquia lucense de Orbazai encherase de música tradicional e artesanía coa celebración da súa sexta foliada anual que terá lugar este sábado catro de xuño.
Durante a presentación deste evento, a concelleira de Cultura de Lugo, Carmen Basadre, agradeceu aos veciños e veciñas de Orbazai o seu empeño en levar a cabo desde hai seis anos esta xuntanza que une música tradicional, artesanía e bo xantar, “para que a parroquia goce de todo o noso, a nosa tradición, as nosas costumes e a nosa música”.
A edil aproveitou para convidar aos lucenses a achegarse ao campo da festa de Orbazai a esta foliada que recupera a cultural e a música tradicional “nun marco inmellorable”.
