O xulgado de instrución número tres de Lugo, sobreseu o caso da denominada Operación Bebé por estimar que non son constitutivas de delito as actuacións levadas a cabo polas traballadoras e traballadores do Servizo de Menores da antiga Consellería de Traballo e Benestar así como as do Sergas,, segundo a sentencia, todas elas axustáronse a dereito.
Reina grande “satisfación” entre as/os traballadora/es da administración imputados, que acusan de terse montado un “espectáculo bochornoso” con algo tan serio como que nenas e nenos que por circunstancias familiares teñen que ser atendidos pola administración se vexan envoltos en tal desatino. O mesmo que os traballadores, os cales se viron inmersos nunha campaña que afectou a moitas persoas, nomeadamente á credibilidade e dignidade persoal de cada unha das que traballan ao servizo das galegas e galegos neste servizo da Xunta de Galicia.
Malia todo, hai que lembrar que esta sentencia pode ser recorrida. Aínda que, logo desta sentencia, é de supoñer que reine a cordura e remate este “afaire”.
