Lara MendezA alcaldesa de Lugo, Lara Méndez, pídelle á Xunta que lle dea a Lugo “o mesmo trato” que ás outras cidades e cumpla o seu compromiso de equipar o novo auditorio.
Méndez mantiña onte unha xuntanza coa conselleira de Medio Ambiente e Ordenación do Territorio, Beatriz Mato, no que esta se comprometeu a buscar financiamento para o equipamento da infraestrutura, ben con fondos doutras consellerías ou con cartos procedentes do Ministerio.
Segundo Méndez, Mato cifrou en 3,6 millóns de euros os cartos necesiarios para equipar o auditorio. O Goberno galego xa anunciara que destinaría 1,2 millóns de euros a este fin, un investimento “a toda luces insuficiente”, segundo a rexedora lucense.
A este respecto, Lara Méndez trasladoulle a Mato que “queríamos o mesmo trato que o resto das cidades”, tralo que a conselleira se comprometeu “a buscar financiamento, ben a través doutras consellerías ou ben a través do Ministerio”.
