Miguel Anxo Fernan VelloEn Marea presentou esta mañá en Lugo a súa candidatura ás próximas eleccións xerais do 26 de xuño prometendo “compromiso coa xente do común” e manifestando “a vontade de defender ao 99% dos cidadáns fronte a ese 1% que destrúe o público”. O cabeza de lista ao Congreso volverá ser Miguel Anxo Fernán Vello, mentres que o candidato ao senado será Luis Daporta.
Fernán Vello, que xa foi deputado nas Cortes nos últimos meses, insistiu en que traballarán “a brazo partido e en clave de unidade popular” polos intereses da maioría social agredida e prognosticou que En Marea volverá acadar “un resultado histórico”.
