Arde un alpendre próximo a unha vivenda en Sarria. O incendio rexistrouse esta madrugada en Vilar de Sarria, no lugar de Vigo e no alpendre había unha gran cantidade de leña almacenada.
O alpendre quedou totalmente calcinado e as lapas afectaron a un lateral dunha vivenda. Non houbo que lamentar danos persoais, aínda que na vivenda afectada residía unha muller de avanzada idade que conseguiu saír da vivenda.
Até o lugar dos feitos acudiron os bombeiros da localidade que conseguiron sufocar as lapas contra as seis e media da madrugada.
