Maxia, música e un documental son algunhas das actividades da terceira semana do programa Cultura Aberta da Deputación, unha iniciativa posta en marcha o pasado 5 de xullo coa que o organismo provincial ofrece máis de 30 actividades lúdicas e culturais, completamente gratuítas para os participantes. Todas elas se celebrarán na explanada do INLUDES, ao carón da Capela de Santa María.
Hoxe ás nove e media terá lugar a proxección do documental Cantando a Manuel María, no que se fará un percorrido polas facetas máis interesantes da súa vida coa axuda da destemuña de familiares amigos e especialistas. O documental repara fundamentalmente na paisaxe da súa vida natal, Outeiro de Rei, e tamén no resto da Terra Cha.
Mañá ás seis e media terá lugar o espectáculo de Paco Nogueiras ‘Brinca Vai!’, no que o actor, acompañado dos seus instrumentos realizará unha viaxe chea de humor, bailes e cancións. Ademais, o xoves as nove terá lugar a actuación do grupo Fonxola, unha banda asturgalaica de swing, twist, fox trop, blues, rock primigenio, cha cha cha, con matices locais como o uso do galego-asturiano nas súas letras.
Para rematar a actividades desta semana, o venres ás nove os ilusionistas Martín Camiña e Fani Triana, e o baixista Álvaro Muras, presentan o espectáculo ‘Transformando o presente’, no que se desenvolve a arte da mutación a través do ilusionismo, a música e aactualidade social.
