Unha rapaza perdeu a vida esta tarde no concello de Mondoñedo ao sufrir unha caída do cabalo que montaba. Os feitos tiveron lugar na parroquia dos Remedios, en Estelo, arredor das 17:30 horas.
A rapaza caeu nunha zona de difícil acceso, o que dificultou as tarefas para rescatar o seu corpo. Membros do Concello informaron ao persoal do CAE 112 Galicia, que, decontado, avisou a Urxencias Médicas, Protección Civil, Bombeiros de Barreiros e ao Grupo de Intervención Psicolóxica en Catástrofres e Emerxencias (GIPCE).
Os servizos de emerxencias continúan no lugar do suceso.
