O equipo celeste dominou de principio a fin e borrou con contundencia as dúbidas suscitadas polos resultados do derbi nas últimas tempadas.
Nun Pazo entregado co ambiente único que o templo celeste é quen de xerar, os xogadores de Lezkano deron espectáculo ante un gran plantel como é o de Tito Díaz.
Con acerto en ataque froito dun xogo fluído, e unha defensa seria e contundente capaz de deixar a un pivot dominador como Olmos en 2 puntos, o Breogán demostrou que con intensidade é un equipo dificilmente batible.
Iván Cruz con con 19 puntos e 11 rebotes foi o xogador máis valorado do locais, seguido por Bropleh (22 puntos e 7 rebotes) .
O Breogán terá pouco tempo para gozar da vitoria e debe pensar xa na cita do martes 28, de novo no Pazo, ás 20:45 horas ante Calzados Robusta en encontro aprazado.
