Unha persoa resultou ferida ao rematar nun terraplén co vehículo que manexaba en Foz. O accidente tivo lugar na estrada de San Blas, a dous quilómetros da Basílica de San Martiño. Un particular alertaba ao 112 Galicia ao fío das 12:00 horas.
De contado, o 112 Galicia informaba do ocorrido a Urxencias Médicas, aos Bombeiros de Barreiros, a Agrupación de Voluntarios de Protección Civil da localidade, á Garda Civil de Tráfico e ao GES de Cervo. A persoa accidentada foi atendida nunha ambulancia no punto.
