A Garda Civil, no marco da operación “YOT” desenvolvida nas localidades de Chantada (Lugo), Burgos, Alcorcón (Madrid), Ávila, Telde (Las Palmas de Gran Canaria) e Santa Cruz de Tenerife, detivo a 5 persoas e investigou a outra en diferentes puntos da xeografía española por delitos relacionados coa pornografía infantil.
A operación iniciouse o pasado mes de febreiro, tras ter coñecemento a Garda Civil de Tavernes de Valldigna (Valencia) da existencia dun grupo de usuarios dunha aplicación de telefonía móbil a través da que intercambiaban vídeos de contido sexual onde participaban menores. Inmediatamente, os axentes iniciaron unha investigación co fin de poder localizar, identificar e deter ao autor destes feitos.
Tras as investigacións practicadas detívose a 5 homes e investigouse a unha muller, todos españois e de idades comprendidas entre os 28 e 71 anos de idade, por intercambiar vídeos de alto contido sexual de menores de entre 2 e 14 anos de idade.
Un dos detidos ademais producía e distribuía vídeos onde se podía ver de forma explícita malos tratos animais extremos con fins sexuais. Nestes vídeos podíase observar como diseccionaban gatos mediante o uso dun machete e, mentres o animal seguía vivo, masturbabanse encima. Para este tipo de prácticas “animais” tamén utilizaban cans, furóns, hamsters e pitos.
Ademais esta persoa solicitaba a outros usuarios a realización de accións crueis cara aos animais de distintas especies similares ás relatadas, ao obxecto de poder intercambiar a través da aplicación móbil con eses usuarios as gravacións efectuadas para satisfacer as necesidades e apetito sexual.
Os axentes, no marco desta operación, realizaron 6 rexistros nos que se interveu material informático e fotográfico ademais de dispositivos de almacenamento.
Ata o momento verificáronse máis de 2.000 vídeos con contido pedófilo que estas persoas camuflaban entre outros de contido sexual onde aparecían adultos, polo que se continúa a análise dos elementos tecnolóxicos intervidos ao obxecto de determinar a posible existencia de máis vídeos deste tipo.
Nesta operación, desenvolvida polo EMUME da Unidade Orgánica de Policía Xudicial da Garda Civil de Valencia e do Equipo de Policía Xudicial de Tavernes da Valldigna, tamén participaron axentes pertencentes ás Ou.Ou.P.J. das Comandancias de Lugo, Burgos, Madrid, Ávila, Santa Cruz de Tenerife, e Las Palmas de Gran Canaria.
As dilixencias instruídas foron entregadas no Xulgado de 1ª Instancia e Instrución nº 1 de Sueca (Valencia).
