A Alcaldesa de Lugo, Lara Méndez, acompañada polos Concelleiros de Medio Rural e Benestar Social, Miguel Fernández e Ana González Abelleira, respectivamente, asistiron este sábado á 7ª Foliada de Orbazai, que tivo lugar no campo da festa desta parroquia lucense. O Concello e a Deputación colaboran con esta iniciativa, posto que se enmarca dentro do seu compromiso polo impulso do rural e das tradicións culturais.
Na 7ª Foliada de Orbazai estiveron presentes dez postos de artesanía, entre os que se atopaban gaita, traxe tradicional, xoguetes, madeira e coiro, bordados, cantería, ferrería, coitelos e pan. Tamén se celebrou un xantar popular de polbo, churrasco, xamón cocido, empanadas e pan de Ousá.
Este evento tamén contou coas actuacións musicais de Airiños de Orbazai, Banda de Gaitas de Arume de malvas, Os da Fonte do Frade e Asociación Cultural Río Miño. Para rematar a xornada, a organización preparou unha degustación.
