O Goberno da Deputación tingue durante o día de hoxe de azul turquesa a fachada do Pazo de San Marcos para promover a visibilidade das persoas xordas. O Executivo Provincial súmase deste xeito aos actos organizados pola Asociación de persoas xordas de Lugo (ASORLU) con motivo do Día Nacional da linguaxe de signos, que se celebra este 14 de xuño.
E recordamos que tanto ASORLU como a Federación de persoas xordas, terán durante toda a tarde unha mesa informativa na Praza Maior para informar sobre a linguaxe de signos e os servizos e actividades que ofrecen durante todo o ano.
