Un traballador resultou ferido esta mañá no Saviñao despois de caer do tellado dunha obra. O sinistro tivo lugar nunha propiedade de Córneas, na parroquia de Vilaesteva.
O 112 Galicia tivo coñecemento do accidente laboral ás 10:45 horas de hoxe, a través dun aviso de Urxencias Médicas. Os efectivos sanitarios indicaron que estaban a mobilizar ata o punto o helicóptero medicalizado con base en Ourense. O persoal do Centro de Atención ás Emerxencias do 112 deu conta dos feitos á Garda Civil.
O operario foi evacuado no helicóptero a un centro hospitalario.
