Un choque no que se viron implicados tres vehículos saldouse cunha persoa falecida esta mañá . O accidente tivo lugar na N-640, concretamente no punto quilométrico 81, no término municipal de Lugo.
Varios particulares alertaban do sinistro ao 112 Galicia pasados uns minutos das 8:50 horas. Nese momento, o persoal do Centro de Atención ás Emerxencias 112 Galicia pasaba o aviso a Urxencias Médicas e Garda Civil de Tráfico. O 112 informou do ocorrido, tamén, aos Bombeiros de Vilalba e aos Bombeiros de Lugo.
