A Deputada de Economía, Mayra García Bermúdez, entregou o trofeo ao C.D. Lugo, gañador da Copa Deputación de fútbol en categoría alevín de 2ª Autónomica. O C.D. Lugo impúxose ao E.D. Lourenzá no partido que tivo lugar no campo anexo á Marosa, no Concello de Burela.
O organismo provincial inviste nesta iniciativa 100.000 euros, organizando unha nova edición da Copa coa colaboración da Federación Galega de Fútbol. Son uns 15.000 euros máis que nas anteriores edicións pois, en resposta as peticións dos clubes, a institución tamén asume os custos de arbitraxes e desprazamentos. Durante a presentación do torneo, realizouse o sorteo de emparellamentos que terán lugar durante os meses de maio e xuño por toda a provincia.
