O Concello de Lugo anunciou esta mañá os servizos mínimos que prestará o transporte urbano na cidade durante o día de mañá e o mércores debido á folga convocada no sector do transporte e coa finalidade de prestar o servizo mínimo de transporte colectivo urbano á cidadanía.
A empresa concesionaria do transporte urbano de Lugo, procederá á prestación dos servizos mínimos os días 27 e 28 de xuño de 2017, e en tanto non se desconvoque dita folga. As liñas que manterán servizos serán a número 2, do Cemiterio a Albeiros; a 3A, encargada da ruta dende Aceña de Olga ata Ramil; a liña 6 coa ruta Montirón – A Residencia – A Cheda; o autobús da liña 4 ao que lle corresponde a ruta de A Tolda ata Abella e, por último, os dous que dan servizo ao HULA, liñas 14 e 14A dende a Ronda da Muralla e As Gándaras, respectivamente.
