O candidato popular á alcaldía de Lugo, Jaime Castiñeira, afirmou esta mañá, que a 100 días das eleccións municipais, o seu grupo trasladou en reunións de barrio e sectoriais, un centenar de propostas.
O candidato popular afirma estar “moi satisfeito e agradecido” pola boa aceptación que están a ter as iniciativas nas que se plasma o seu proxecto de cidade.
Doutra banda, o candidato popular reuniuse coa directiva da Asociación Provincial de Empresarios da Hostalaría de Lugo, aos que lles presentou o seu proxecto de turismo.
Entre as súas propostas, os populares apostan pola potenciación das rutas de viños e tapas como elemento singular, fortalecendo e favorecendo esta actividade durante todo o ano, e tamén por promocionar Lugo como destino gastronómico, a traveso de eventos específicos como a organización de semanas gastronómicas monotemáticas, ou a creación de feiras temáticas con produtos emblemáticos da nosa terra.
