O concello de Lugo, vén de aprobar esta mañá a licitación das cinco primeiras actuacións do proxecto MuraMiñae, da Muralla ao Miño, enmarcado dentro da estratexia DUSI. Así o anunciou a alcaldesa, Lara Méndez quen asegurou que esta acción sitúa a Lugo como un dos primeiros concellos do país en conseguir axilizar estes trámites.
A reforma da volta da viña, a pasarela peonil -ciclista ao campo de futbol, a prolongación do paso subterráneo baixo a N-VI, a posta en valor do patrimonio histórico do barrio do Carme e a descontaminación e rehabilitación deste mesmo barrio, son as cinco estratexias que o goberno local acaba de licitar cun valor de máis de 12 millóns de euros, dos que un 80 % proveñen de Fondos FEDER da Unión Europea.
