70 persoas participan nas penúltimas actividades fluviais da Deputación

70 persoas participaron hoxe pola tarde, no Rio Miño de Portomarín, das actividades deportivas fluviais, gratuítas e para todos os públicos, que o Goberno da Deputación leva durante agosto e comezos de setembro a Concellos do interior de todas zonas da provincia.

Fíxoo no marco do 1º Plan Estratéxico de Turismo, cumprindo cunha das súas liñas de actuación, que é a posta en valor dos recursos e zonas fluviais lucenses, ofrecendo nas mesmas unha alternativa deportiva e lúdica coa que promover o sector turístico. Mañá realizase a última sesión, a cita é no Club Fluvial de Lugo, dende ás 16:00 horas e que terá o seu fin ás 20:00 horas. Lembramos que, aínda que haberá monitores e un coordinador, as persoas que non saiban nadar, deberán ir cun acompañante.