A Consellería de Infraestruturas e Vivenda iniciou hoxe os traballos de roza e limpeza vexetal na contorna do barrio da Tinería, as parecelas obxecto de actuación forman parte da zona na que o Instituto Galego de Vivenda e Solo (IGVS) acomete os distintos proxectos de rehabilitación.
No día de hoxe, os operarios traballan á altura do hospital Virxe dos Ollos Grandes e, entre outros espazos, tamén actuarán na parcela onde se atopa o pazo de Dona Urraca, aínda que se prolongarán a todas os espazos de competencia do IGVS.
As actuacións inclúen desde rozas mecánicas, empregando distinta maquinaria, a traballos manuais, na maioría dos casos, debido á dificultade de acceso a algúns dos espazos e as condicións orográficas das parcelas. Malia que estas tarefas son de conservación ordinaria, a Xunta de Galicia seguirá actuando sobre a totalidade das súas propiedades na Tinería onde prevé investir máis de dous millóns de euros nos próximos anos.
