Afundación organizou unha completa programación de obradoiros de Nadal para cada unha das súas sedes situadas nas sete cidades galegas. Están dirixidos a nenas e nenos de entre 4 e 12 anos e levarán a cabo os días 26 e 29 de decembro e 2 e 3 de xaneiro de 11.30 a 13.00 h.
As actividades deseñadas baséanse en cada unha das exposicións que se poden visitar actualmente en cada sede da entidade e os interesados en participar só terán que inscribirse no correo areaeducativa@afundacion.org.
Na Sede Afundación de Lugo (praza Maior, 16) as nenas e nenos de entre 4 e 8 anos poderán gozar da proposta A árbore dos oficios e as tradicións baseada na exposición «Oficios entre lusco e fusco» .
