IMAXE LIBRE!!O Subsector de Tráfico de Lugo realizou durante o pasado mes de xaneiro un total de 17.248 probas de alcoholemia e 133 de drogas nas diferentes estradas da provincia.
Dos positivos en alcol, 25 foron investigados como supostos autores de respectivos delitos contra a Seguridade Viaria e outros 98 foron propostos para sanción ante a Xefatura Provincial de Tráfico.133 condutores foron sometidos ás probas para detectar o consumo de drogas ou estupefacientes, atopándose este tipo de substancias en 38 condutores.
Dos positivos por alcoholemia o 90% corresponden a homes e a franxa de idade onde se observan máis o consumo de alcol sitúase entre os 45 e 64 anos cun total do 43% dos resultados positivos. Das diferentes substancias detectadas nas probas de drogas a máis numerosa foi o cannabis, presente en 32 dos positivos detectados, seguida pola cocaína presente en 12 casos.
