O artista murciano Cristobal Aguiló Domínguez, gañou os 1.000 euros, co que estaba dotado o premio do concurso “Arde Lucus 2015” ao mellor cartel que o presentou baixo o título “Revive la Historia”. Por cuarto ano consecutivo, o cartel do Arde Lucus foi seleccionado nun concurso ao que se presentaron preto de 40 propostas.
O gañador foi elixido polo xurado, que estivo formado por Adolfo de Abel Vilela, Alejandro Carro Rodriguez e Jose Luis Rodriguez Tella, nunha reunión celebrada esta mañá na Casa da Xuventude.
