O grupo municipal Alternativa Cidadá de Esquerdas-Esquerda Unida chama a atención sobre a “permanente desidia do goberno local no mantemento da sinalización horizontal”, con casos especialmente sensibles para a seguridade viaria, como o sinal da Rúa Montevideo, no recinto histórico, que debería marcar zona 30 por atoparse en zona escolar e sanitaria (situada entre o IES Xoán Montes e o Hospital Nosa Señora dos Ollos Grandes), que leva sen ser repintado todo o mandato da alcaldesa.
“Resulta irónico presumir de ser un goberno á vangarda da peonalización e o tráfico calmado e non cumprir os mínimos requisitos para a seguridade dos viandantes”, salienta Carlos Portomeñe, voceiro de ACE–EU.
