O Concello de Paradela vén de superar de novo o número de adhesións á petición para que a Xunta de Galicia conceda a Medalla Castelao ao crego e musicólogo Xeús Mato Mato. Nos últimos sete días a cifra de adhesións recibidas foi de 500 acadando xa as 1.200 sinaturas.
Destas adhesións, 103 son de institucións, asociacións,empresas e outros colectivos. Entre as últimas recibidas están as do Bispo de Lugo, a Fundación Penzol, a Asociación Amigos do Camiño de Santiago en Lugo, a Federación de Corais de Galicia, a D. O Ribeira Sacra, a Xunta de Confradías da Semana Santa luguesa, a Irmandade Manuel María ou a Filarmónica de Lugo.
