José López Orozco, acompañado de concelleiros do Grupo Municipal Socialista e de candidatos da lista electoral para as próximas eleccións municipais, mantivo na tarde de onte unha xuntanza cos veciños do barrio de Fingoi.
A reunión enmárcase no programa “O PSOE en pé de rúa: Lugolízate e decide como queres que sexa o teu barrio, parroquia e concello”, co que os socialistas lucenses recollen as demandas veciñais, tanto do rural como dos barrios da cidade, co fin de incorporalas ao programa electoral co que concorrerán aos comicios municipais do vindeiro 24 de maio.
O seguinte encontro de López Orozco cos veciños lucenses terá lugar hoxe as nove da noite, no Telecentro de Santa María de Bóveda.
