O Secretario da Deputación de Lugo, Cristóbal Víctor Fraga Bermejo, faleceu na tarde de onte de maneira repentina mentres gozaba das súas vacacións. O que foi Secretario da entidade provincial dende abril do 2017 atopábase nun bo estado de saúde.
A Deputación fixo hoxe unha declaración institucional, asinada polo Presidente, Darío Campos, transmitindo o pésame de todos os traballadores da entidade e as condolencias aos familiares, en especial á muller e ás fillas de Fraga Bermejo.
Licenciado en Ciencias Políticas e en Dereito, desempeñou as funcións de Habilitado Nacional nos Concellos de Pobra do Caramiñal, Cedeira, Negreira, Lousame, Vimianzo, Guitiriz e Malpica, así como Secretario Xeral do Concello de Betanzos, e dende o mes de abril de 2017 era o Secretario Xeral da Deputación de Lugo.
