O deputado non adscrito e alcalde de Becerreá, Manuel Martínez, denunciou hoxe que o goberno da Deputación censurou, dixo, parte do seu curriculum na nova páxina web que a administración provincial vén de presentar. Martínez quere saber con que fin eliminan parte dos seus datos dado que gran parte da veciñanza xa os coñece.
O becerrense considerou que non é de recibo, por parte do organismo, censurar a súa traxectoria como político. Martínez esixe ao Presidente da Deputación e aos responsables da páxina web, que expliquen publicamente os motivos polos que decidiron censuralo.
