O goberno local podería ter renunciado a solicitar as subvencións outorgadas pola Xunta para mellorar a sinalización turística dos concellos. Así o denunciaba o edil do Partido Popular, Angel Trabada, quen dicía non comprender porque este ano non se solicitou cando si se fixo o ano pasado obtendo, da administración autonómica, unha subvención de 50.000€ para renovar a sinalización turística de Lugo.
Para o popular estamos ante un novo “desprezo” do goberno socialista aos turistas que chegan á cidade, unha materia na que a cidade mellorou nos últimos anos grazas ao “esforzo da iniciativa privada”. Ademais, Ángel Trabada critica o que cualificou como “un desprezo” dos socialistas de Lugo á Xunta de Galicia, unha administración á que tantas veces criticaron por, segundo eles, non cumprir con Lugo pero que “á hora da verdade” demóstrase que son os propios socialistas os que “nin solicitan” as axudas para logo “enganar” aos cidadáns dicindo que o goberno autonómico se esquece de Lugo.
