A Sección Segunda da Audiencia Provincial de Lugo condenou ao pago dunha multa de 1.620 euros a un acusado de agredir a un home nun bar da capital o o 31 de decembro de 2015. O tribunal considera acreditado que o sospeitoso dirixiu insultos racistas contra a vítima antes de empuxala e propinarlle golpes na cara. Como consecuencia da agresión, o afectado sofre como secuelas alteracións no iris, fotofobia e un prexuízo estético por ter pupilas lixeiramente asimétricas. A Audiencia tamén lle impuxo ao sospeitoso o abono dunha indemnización á vítima de 6.000 euros.
