Un home foi evacuado esta tarde ao Hospital de Lugo ao ser atropelado por un tractor cando traballaba no monte, en Sarria.
Foi un particular quen ás 17:30 horas de hoxe chamou ao 112 Galicia para informar dun home ferido a causa dun accidente de tractor na contorna do Parque Eólico de Meixente.Ali acudiu un equipo do 061-Urxencias Sanitarias para evacuar ao ferido ao complexo hospitalario de Lugo debido ás lesións de diversa consideración que presentaba.
Para colaborar neste operativo, desde o 112 Galicia, tamén se informou á Garda Civil e Policía Local e aos Bombeiros de Sarria, que descartaron intervir en canto comprobaron que a persoa estaba liberada e accesible.
