O Coordinador da Plataforma pro Hemodinámica 24 horas, Radioterapia y Medicina Nuclear no HULA, José Manuel Carballo, afirmou hoxe que a Conselleira de Sanidade continúa incumprindo as súas obrigas para coa oficina do Valedor do Pobo, xa que segundo Carballo, non informa do número de falecidos por infartos en desprazamentos a A Coruña, ou do número destes a consecuencia dunha atención tardía, pola carencia de sala de Hemodinámica 24 horas en Lugo, tal e como lle esixiu o Valedor.
Asemade, Carballo informou de que en menos de 15 días estarán dispoñibles e visibles as pancartas e carteis que denuncian estes incumprimentos e dispoñerán dun sistema de megafonía que percorrerá as rúas e parroquias do concello de Lugo, “para volver informar dos incumprimentos e actitudes de Feijóo e de Rocío Mosquera”.
