A Alcaldesa de Lugo, Lara Méndez, iniciou esta semana as conversas cos grupos políticos da oposición sobre o proxecto de Orzamentos deste 2019 co fin de chegar a acordos de cara a súa aprobación en Pleno. Méndez mantivo hoxe encontros cos voceiros de Lugonovo e BNG, os grupos que apoiaron a súa investidura, polos que comeza a rolda de contactos como fixo nas negociacións dos presupostos dos anos anteriores.
Nos vindeiros días reunirase co resto das agrupacións. A rexedora confía en chegar a consensos sobre o documento que presentou o pasado venres, en tanto que, cun importe de 96,6M€, recolle un elevado número de propostas de consenso político e social, e incrementan o investimento en políticas sociais ata supoñer o 30% total dos orzamentos.
