O voceiro do BNG no Concello de Lugo, Rubén Arroxo, criticou hoxe a “inacción” do goberno municipal: “non son capaces nin de arranxar unha obra que quedou sen rematar en outubro do ano pasado e que está no centro da cidade”. Arroxo explicou que “estas obras puxéronse en marcha cando, durante o San Froilán, houbo que facelas con urxencia por que afectaba ás casetas do polbo e aos negocios e vivendas da zona”.
“Unha multitude de montóns de terra e barandas de plástico ocupan a beirarúa sen que se fixera nada dende outubro do pasado ano” salientou Arroxo. Cando en outubro de 2018 se producira o rebentón solucionouse con un by-pass para asegurar o subministro de auga naquel momento e a día de hoxe as obras continúan ser rematar “producindo importantes molestias para as persoas que transitan pola zona e ofrendo unha imaxe nefasta da zona”.
