O candidato do BNG – AA, Rubén Arroxo, mantivo unha xuntanza coa plantilla da Banda de Música Municipal, que son ao mesmo tempo os mestres da Escola Municipal de Música. Arroxo interesouse polo funcionamento da Escola e loubou o traballo deste colectivo de traballadores do concello que “demostraron que un servizo público pode funcionar á perfección sen necesidade de empresas polo medio”.
Arroxo sinalou que “se por algo destacan as nosas políticas é por respertar o traballo da xente que fai cultura para todos” e engadiu que “non entendemos a cultura como un gasto, para nos é unha inversión”. Arroxo anunciou que o BNG apostará pola creación dunha Escola Municipal de Teatro porque “todo o mundo, independentemente das súas posibilidades económicas ten que ter acceso á cultura e esto é construir unha sociedade máis democrática”.
O candidato lembrou que “a Escola Municipal de Música foi posta en marcha grazas ao compromiso e a ilusión da xente que formaba parte dunha banda de música morta de inanición polo desleixo político”. “O BNG – AA ten un proxecto cultural para este concello claro e xa temos demostrado como é a cultura cando depende de nos” afirmou Arroxo.
