Un ciclista faleceu na tarde de onte tras sufrir unha caída na N-VI, ao paso pola localidade de Outeiro de Rei.
O sinistro sucedeu, ás 15:45 horas da tarde, cando un particular solicitaba asistencia médica urxente para un ciclista accidentado que acabara de colidir contra un peón.
Axiña, o persoal do 112 Galicia, informaban aos servizos sanitarios de urxencia. Ademais, co obxectivo de prestar apoio ao equipo médico de Urxencias Sanitarias de Galicia-061, pediuse a colaboración dos Bombeiros de Vilalba e dos axentes da Garda Civil.
Con todo, pese aos esforzos dos efectivos sanitarios, nada puideron facer por salvarlle a vida a persoa.
