O Concello do Incio vén de abrir o prazo de inscrición para anotarse no I Campionato de Futbolín Concello do Incio que se vai celebrar no pavillón da localidade o vindeiro 15 de febreiro. O torneo de futbolín traerá á localidade a xogadores amadores e de gran nivel de toda España. Van participar deportistas de primeira e segunda categoría e tamén locais.
As categorías serán primeira, segunda, terceira e locais e haberá premios en metálico, trofeos, medallas e cestas de produtos. Tamén haberá categoría de elite.
As dúas parellas gañadoras do torneo celebrado o pasado 29 de decembro no Incio conseguiron como premio a inscrición gratuíta no I Campionato de Futbolín Concello do Incio. A inscrición para o campionato xa está aberta, chamando ao Concello ou ao número 637176984.
Para levar a cabo esta actividade o Concello do Incio conta coa colaboración de Lucus Recreativos.
