Se se confirman os datos da enquisa de Sondaxe que onte publiccou La Voz de Galicia, segundo a cal se produciría un empate entre PSOE e PP a once concelleiros, cos outros tres escanos a repartir entre Lugonovo, Bloque e Cidadáns, é posible que Lugonovo poida inclinar a balanza a favor de socialistas ou populares, é dicir que teña a chave do novo goberno municipal.
Isto ocorrería se, como xa ten reiterado infinidade de veces, o Bloque Nacionalista Galego en ningún caso apoiará ao PP. É máis, as declaracións dos dirixentes da formación nacionalista van cara o lado contrario, dicindo que propiciarán pactos para desaloxar do poder ao Partido Popular polas políticas antisociais que está a levar a cabo o goberno presidido por Mariano Rajoy.
Pola outra banda, a lóxica lévanos a pensar que Cidadáns optará por dar preferencia a cogobernar cun partido co que teña máis afinidade ideolóxica e ese sen dúbida é o PP.
Así que, se isto rematara cos resultados da enquisa, Santiago Fernández Rocha estaría en condición de erixirse en árbitro, para designar ao novo rexedor municipal.
Hoxe, os principais candidatos á alcaldía de Lugo, valoraban os resultados da enquisa.
Escoitámolos:
Jaime Castiñeira. Partido Popular Lugo.
José López Orozco. Alcalde actual de Lugo e candidato do PSOE Lugo.
Rubén Arroxo. Candidato do BNG-Asambleas Abertas en Lugo.
