A Subdelegación do Goberno en Lugo atenderá cada caso que se lle expoña dende o campo laboral

O delegado do Goberno en Galicia, Javier Losada, explicou hoxe que tanto a Delegación, como as catro subdelegacións provinciais e a Avogacía do Estado concretan desde onte a situación das empresas e autónomos galegos tras a ampliación do estado de alarma. Mantén, ademais, a disposición de todos os
medios do Estado para atender os distintos casos expostos.
Tanto o delegado, Javier Losada, como en Lugo, Isabel Rodríguez; e as demais, subdelegacións atenden desde onte numerosas chamadas do ámbito laboral para aclarar as diferentes situacións.
Por iso, o delegado lembra que pon ao servizo do mundo laboral
tamén á Avogacía do Estado para analizar cada caso.

A intención é poder aplicar a normativa “coa máxima transparencia”, defende.
Así, resolverase calquera dúbida que xurda de maneira que as empresas e
os autónomos teñan seguridade para a realización das súas actividades,
nos casos permitidos, e para interrompelas e pasar a situación de permiso
retribuído recuperable nos demais.
Lembrou, ademais, que o Goberno habilitou unha moratoria para a
aplicación desta ampliación do estado de alarma co obxectivo de garantir
a suspensión do traballo naquelas actividades que necesiten
preparación e para evitar un peche abrupto, atendendo ás necesidades
expostas polos profesionais.