O Goberno Municipal homenaxeará a Xoán Montes este luns, 13 de abril, coincidindo co 180 aniversario do seu nacemento.
Montes ademais de ser, xunto co Bal y Gay, un dos grandes músicos lucenses e galegos foi o fundador da Banda Municipal e deixou unha grande obra musical, con influencia da música popular galega, en moitas das súas partituras.
Durante todo o día, as redes sociais do concello, compartirán cada media hora versións do poema de Rosalía Negra Sombra, ao que Xoán Montes deu son no ano 1892.
Asemade a Área de Cultura, informa que avanza no traslado do busto de Xoán Montes á Praza Maior.
