Os distintos corpos e forzas da seguridade do estado seguen a traballar para facer cumprir o Estado de Alarma para elo intensificáronse os controis, tanto nas vías do centro urbano como ás saídas da cidade para velar polo cumprimento das limitacións sobre a circulación de persoas e vehículos, neste eido os efectivos da Policía local levantaron 17 actas de infracción tanto a peóns como a condutores e pasaxeiros de vehículos por incumprimento das devanditas limitacións. Ademais destas actuacións a policía de barrio tamén interveu noutras accións de axuda á cidadanía:
Sobre as 0:25 horas do día 9 de abril, unha patrulla do Grupo Operativo Nocturno da Unidade Territorial de Policía de Barrio da Policía Local de Lugo desprazouse a unha vivenda da rúa San Roque xa que, segundo chamada recibida na Sala de Comunicacións do 092, unha muller escoitaba os berros de auxilio dunha persoa que vive noutra vivenda do seu edificio. Os axentes de inmediato comparecen no lugar e tras non obter resposta ás continuas chamadas á vivenda onde presuntamente achábase esa persoa, contáctase cun familiar que fai acto de presenza abrindo a porta de entrada, observando os axentes que no chan do baño achábase tendido un home de 89 anos, consciente e ao seu lado a súa esposa de avanzada idade que non podía levantalo, procedendo os axentes para trasladalo ao dormitorio e deitalo na cama, finalizando o servizo sen outra novidade.
Tamén o día 9 de abril efectivos da Unidade Territorial de Policía de Barrio de Lugo tiveron que acudir, sobre as 21:10 horas, a un horto adxacente coa rúa Pena Loura xa que, segundo chamada recibida na Sala de Comunicacións do 092, un home achábase semiespido pedindo axuda a berros. Inmediatamente unha patrulla policial comparece no lugar comprobando que o home se achaba tirado contra un muro alí existente, coa mirada fixa pero sen poder falar nin expresarse, emitindo soamente berros e queixumes. Á vez que se reclamaba a presenza dunha ambulancia, os axentes prestan auxilio á persoa, tapándoo e dándolle calor, á vez que o tranquilizaban e logrando que se fose recuperando aos poucos, poñéndolle a roupa que tiña nun alpendre contiguo, ata que chegou a ambulancia á que accedeu xa polo seu propio pé, sendo trasladado o HULA para a debida atención médica. Os axentes puideron pescudar que esta persoa, nacida no ano 1966, é diabético, polo que sofre bruscas baixadas de azucre, achándose no horto xa que foi a ese lugar para atender uns animais da súa propiedade.
Sobre a 1:00 horas do 13 de abril, efectivos do Grupo Operativo Nocturno da Policía Local de Lugo acudiron a unha vivenda da Ronda das Fontiñas xa que unha persoa quedouse atrapada nunha das habitacións do piso. Os axentes proceden á apertura da porta utilizando a mínima forza necesaria liberando á persoa que se achaba no interior, finalizando o servizo sen outra novidade.
Recuperación de vehículo subtraído
Sobre as 19:15 horas do día 12 de abril, efectivos da Unidade Territorial de Policía de Barrio localizan, nas inmediacións do Lago de Teixeiro, unha furgoneta sobre a que pesaba denuncia de subtracción, sendo traslada ao Depósito Municipal para que se realice a correspondente inspección ocular.
