O Ministerio de Fomento iniciou o proceso de contratación das obras de mellora de seguridade vial e firme na travesía de Palas de Rei, na N-547, Lugo-Santiago de Compostela.
O presuposto estimado das obras ascende a preto de 250.000 euros, e os traballos centraranse fundamentalmente na reposición das capas do firme existente, emendando as deficiencias e deformacións que se observaron en varios tramos.
As actuacións proxectadas consistirán na rehabilitación do firme en zonas localizadas, o recrecido de sumidoiros de drenaxe e tapas de rexistro existentes na travesía, e o selado das principais fisuras observadas no firme.
