Rompe o pacto de goberno entre o PSOE e Vilalba Aberta

No día de onte, a alcaldesa de Vilalba emitiu un comunicado no que se asina o cese do edil Modesto Renda Santiso, da formación políticaVilalba Aberta, “revogando da súa delegación de goberno de Turismo e Promoción do Comercio Local, motivado por una perda de confianza”.

Os socialistas ofreceron ao Grupo Municipal Vilalba Aberta manter o pacto de goberno en base aos mesmos acordos programáticos nos que foi formulado, asumindo as competencias deste edil outra persoa desta formación. A decisión de Vilalba Aberta, tomada en asamblea, foi a de rexeitar dita proposta e romper, polo que nese  intre  rompía o pacto de goberno asinado a comezos da lexislatura.