O índice de contaxios na área sanitaria de Lugo segue na foto fixa de 17 casos activos. A información que facilita a Dirección Xeral de Saúde Pública da Consellería de Sanidade, na súa última actualización, é que o número de casos activos de coronavirus en Galicia é de 340, deles 110 son da área da Coruña, 17 da de Lugo, 24 da de Ourense, 8 da de Pontevedra, 141 da área de Vigo, 28 da de Santiago, e 12 da de Ferrol.
Do total de pacientes positivos, 6 están en unidades de hospitalización e 334 no domicilio. Non hai pacientes positivos en UCI. Polo de agora, en Galicia hai un total de 10.530 persoas curadas, rexistrándose 619 falecementos.
O número de PCR realizadas é de 164.673.
