Elena Candia sinalou nun mitin en Lugo que “acudir a votar é seguro”

O mitin contou tamén coa participación do candidato e voceiro municipal do PP, Ramón Carballo; o senador José Manuel Barreiro e o candidato popular pola provincia da Coruña e portavoz do Grupo Parlamentario Popular no mandato que remata, Pedro Puy, que recordou que “os galegos somos conscientes da importancia destas eleccións polas dificultades que está atravesando o país en plena pandemia con posibilidade de rebrotes e que vai a durar ata que apareza unha vacina”.

Puy engadiu tamén que, polo mesmo, “temos que ser responsables á hora de votar. Votar é un dereito que custou conseguir, pero tamén é un deber cívico especialmente cando o país pasa por dificultades e necesita un goberno estable que lle dea confianza e que poda xuntarnos a todos para saír desta”.